Sumqayıt sakini Ceyranbatan qəsəbəsində qadına qarşı quldurluq edib. Bu barədə Report-a istinadən xəbər veririk.
“102” Xidməti Zəng Mərkəzinə müraciət edən qadın bildirib ki, həmin şəxs ona yaxınlaşaraq əxlaqsız təklif edib və buna razı olmadıqda onların arasında mübahisə yaranıb. Mübahisə zamanı o, zərərçəkən qadını döyüb və hədə-qorxu ilə üzərində olan 35 manatı, 1 ədəd üzüyü və 1 ədəd boyunbağını ələ keçirərək hadisə yerindən uzaqlaşıb.
Polis əməkdaşları tərəfindən aparılan əməliyyat-axtarış tədbiri nəticəsində şübhəli bilinən Rahib Abuzərov saxlanılıb. Saxlanılan şəxs əməlini etiraf edib və zərərçəkəndən oğurladığı əşyaları polisə təhvil verib.
Faktla bağlı araşdırma davam edir.
