Sumqayıtda hamilə həyat yoldaşını boğaraq öldürməkdə təqsirləndirilən Anar Əhmədovun məhkəmə prosesi yekunlaşıb. Bu barədə Apa-ya istinadən xəbər veririk.
Ağır Cinayətlər Məhkəməsində keçirilən iclasda hakimin qərarı ilə 35 yaşlı Əhmədov 16 il müddətinə azadlıqdan məhrum edilib.
Qeyd edək ki, hadisə 2020-ci ilin 7 avqust tarixində, gecə saatlarında Sumqayıtda yerləşən istirahət mərkəzində baş vermişdir. Anar, mübahisə nəticəsində hamilə olan həyat yoldaşı 33 yaşlı Şəhanəni dənizdə qəsdən boğaraq öldürmüşdür.
Faktla bağlı Sumqayıt Şəhər Prokurorluğunda təqsirkar şəxs üçün aşkar surətdə hamilə vəziyyətdə olan qadını öldürmə maddəsi ilə cinayət işi başlanılmışdır.
