Vəzifəli şəxsi öldürən Murad Kazımovun məhkəmə iclası başlayır. Sumqayıt24 bu haqda 23 may tarixində Report.az-a istinadən xəbər verir.
Cinayət işi Sumqayıt Ağır Cinayətlər Məhkəməsinin hakimi Hafiz Əliyevin icraatına verilib. Hazırlıq iclası iyunun 21-nə təyin edilib.
Hadisə 12 dekabr 2022-ci ildə Sumqayıtın 9-cu mikrorayon ərazisində baş verib. 20 yaşlı Murad Kazımov 47 yaşlı Mahir Allahverdiyevi axşam həyətə çağıraraq onu 17 bıçaq zərbəsi ilə öldürüb.
Qətlə yetirilən şəxs Qubadlı rayonu, Xocamusaqlı Kənd İnzibati nümayəndəliyinin sədr müavini idi. Daha əvvəl isə uzun müddət “Azərişıq”da işləyib. O, şəhid Vüsal Allahverdiyevin əmisi, həm də Birinci Qarabağ müharibəsi qazisi idi. Onun 3 qızı var.
Murad Kazımov isə həmin zaman 3-cü kurs tələbəsi idi. O, ailəsinə dəstək məqsədilə dərsdən sonra işləyirmiş.
