Sumqayıtda "Məişət zorakılığına qarşı mübarizə” mövzusunda tədbir keçirilib. Sumqayıt24 bu haqda 13 may tarixində xəbər verir.
Görüş 1 nömrəli Ailə Sağlamlıq Mərkəzində (ASM) təşkil olunub. Öncə məişət zorakılığından bəhs edən videoçarx izlənilib. Çıxış edən ASM-in baş həkimi Təranə Mansurova məişət zorakılığının cəmiyyətin ən böyük problemlərindən biri olduğunu bildirib.
Tibb ocağının Pediatriya şöbəsinin müdiri Şəbnəm Səlimova və həkim-pediatr Şəlalə Nəcəfova məişət zorakılığına qarşı tədbirlərin gücləndirilməsi, zorakılıqdan zərər çəkmiş şəxslərə təxirəsalınmaz və hərtərəfli yardım göstərilməsinin vacibliyindən danışıblar.
Qeyd edilib ki, bir çox hallarda məişət zorakılığı qurbanları olanlar bərədə susur və dözməkdə davam edirlər:
“Onlar qorxudan, yaxud utandıqlarından bu barədə heç kimə heç nə söyləmirlər, eyni zamanda yeni zorakılıq burulğanına düşməkdən ehtiyat edirlər. Lakin unudurlar ki, bununla da həmin şəxslər özlərinin və yaxınlarının həyatını daha da təhlükəyə atırlar”.
Sonda iştirakçıların sualları cavablandırılıb.
