Sumqayıtın Tarixi Muzeyində 20 Yanvar faciəsinin 33-cü ildönümü ilə əlaqədar anım tədbiri təşkil olunub. Bu barədə 19 yanvar tarixində Sumqayıt24 Regional Mədəniyyət İdarəsinə istinadən xəbər verir.
Tədbir “Dostluq” Mədəniyyət Evinin birgə təşkilatçılığı ilə keçirilib. Öncə 20 Yanvar faciəsi qurbanlarının və şəhidlərimizin xatirəsi bir dəqiqəlik sükutla yad edilib. Sonra “Bakı. 20 Yanvar 1990” adlı videoçarx təqdim edilib.
Muzeyin direktoru Aygün Zülfüqarlı 20 Yanvar faciəsinin səbəbləri, günahkarlar, nəticələr və insan taleləri haqqında ətraflı məlumat verib. Sumqayıt Musiqi Kollecinin müəllimi Azər Hacıbalayev bədii - kompozisiya ilə çıxış edib.
Sonda fondda mühafizə olunan fotoşəkillər, Yanvar faciəsinin iştirakçısı, sumqayıtlı rəssam Nizami Dadaşovun rəsm əsərlərindən ibarət sərgi iştirakçıların diqqətinə çatdırılıb.
