Sumqayıt şəhəri Hacı Zeynalabdin qəsəbəsinin bir hissəsini içməli su ilə təmin edən boru xəttində qəza ilə bağlı açıqlama verilib.
İri Şəhərlərin Birləşmiş Su Təchizatı Xidmətindən Sumqayit24.az-a bildirilib ki, sözügedən ünvanda su xətti vətəndaş tərəfindən qeyri-qanuni olaraq həyətyanı sahəyə daxil edilib:
"Xüsusilə xəttin ətrafının hasara salınması qəzanın aradan qaldırılmasına böyük əngəl yaradır. Hazırda Sumqayıt Sukanal İdarəsinin qəza briqadası ərazidədir, xətdəki qəza nöqtəsinin tapılması və axıntının qarşısının alınması istiqamətində işlər görülür".
***
Sumqayıtda su israf olunur.
Sumqayit24.az-a müraciət edən sakinlərin sözlərinə görə, Hacı Zeynalabdin qəsəbəsinin bir hissəsini içməli su ilə təmin edən boru xəttində qəza baş verib. Nəticədə Mikayıl Müşfiq küçəsində su təxminən bir aydır ki, fasiləsiz şəkildə küçəyə axır.
Məsələ ilə bağlı İri Şəhərlərin Birləşmiş Su Təchizatı Xidmətinə sorğu ünvanlanıb.
