Sumqayıtda mikrorayonlardan birində antisanitar vəziyyət hökm sürür.
Bu barədə Sumqayit24.az-a 13-cü mikrorayon, 7A və 7B saylı binaların sakinləri məlumat veriblər.
Onların iddialarına görə, məişət tullantıları vaxtında daşınmır, kəsilmiş ağaclar isə ərazidən təmizlənmədən binaların qarşısında qalıb.
Qeyd olunub ki, yaranmış vəziyyət səbəbindən ərazidə pis qoxu yayılır və hərəkət çətinləşir. Həmçinin antisanitar vəziyyətə görə ərazidə siçanların peyda olduğu bildirilir.
Bundan başqa, ərazidə yolun asfalt örtüyünün dağıldığı və iri çuxurların yarandığı qeyd olunub.
Sakinlərin sözlərinə görə, bu vəziyyət həm ərazinin görüntüsünə mənfi təsir edir, həm də nəqliyyat və piyadaların hərəkətində çətinlik yaradır.
Onlar aidiyyəti qurumlardan əraziyə baxış kemirilməsini və problemin həll edilməsini tələb edirlər.
