Sumqayıtlı şəhidin doğum günüdür.
Tərlan Məmmədov 31 avqust 1996-cı ildə Sumqayıt şəhərində anadan olub. H.Zeynalabdin qəsəbəsi 19 saylı orta məktəbdə təhsil alıb. Subay idi.
2015-2017-ci illərdə Azərbaycan Silahlı Qüvvələrinin əvvəlcə Gəncə şəhərində, sonra isə Gədəbəy rayonunda yerləşən "N" saylı hərbi hissəsində müddətli həqiqi hərbi xidmətdə olub.
Azərbaycan Ordusunun əsgəri olan Tərlan Məmmədov 2020-ci il sentyabrın 27-də başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb. Tərlan Məmmədov oktyabrın 8-də Füzuli döyüşləri zamanı şəhid olub. Saray qəsəbəsində dəfn olunub.
Prezident İlham Əliyevin Sərəncamına əsasən, Tərlan Məmmədov ölümündən sonra "Vətən uğrunda", "Füzulinin azad olunmasına görə" medalları, 3–cü dərəcəli "Vətənə xidmətə görə" ordeni ilə təltif edilib.
