Sumqayıt şəhərini Hacı Zeynalabdin qəsəbəsi ilə əlaqələndirən 30 nömrəli marşrut xəttinin fəaliyyətindən narazılıq var.
Bu barədə Sumqayit24.az-a müraciət edən sakin bildirib ki, marşrut avtobusları arasında interval normadan artıqdır və sərnişinlər uzun müddət dayanacaqlarda gözləməli olurlar.
Onun sözlərinə görə, problem demək olar ki, hər gün təkrarlanır:
"Düz 40 dəqiqədir dayanacaqda gözləyirəm, 30 nömrəli avtobus gəlmir. Hər dəfə belə olur. Bəzən də uzun müddət gözlədikdən sonra avtobus gəlir, amma sürücü "yanacaq yoxdur, gedirəm doldurmağa" deyib sərnişinləri götürmədən çıxıb gedir. Fəaliyyət göstərən avtobusların əksəriyyətində isə kondisionerlər qoşulmur."
Sakinlər bildirirlər ki, xüsusilə işə və ya evə tələsən saatlarda avtobusların gecikməsi onların gündəlik hərəkətinə ciddi çətinlik yaradır.
