Sumqayıtda daha bir marşrut avtobusunun sərnişinlərə “xidməti” narazılıq yaradıb.
Sumqayit24.az- a daxil olan məlumata görə, 33 nömrəli avtobusun hərəkət intervalındakı ləngimələr müxtəlif problemlər yaradır.
Sərnişinlərin məlumatına əsasən, avtobuslar gec gəlir və bu da avtobusda ciddi sıxlığın yaranmasına səbəb olur.
“Avtobus dolu olduğu üçün minmək olmur, əgər avtobusdasansa, sıxlıq səbəbindən uyğun dayanacaqda enmək ayrı problem yaradır”, - deyə şikayətçilərdən biri bildirib.
Bundan əlavə, sözügedən nəqliyyat vasitəsinin marşrutu üzərində yerləşən Corat bağlarında yolun vəziyyəti bərbaddır.
“Yol asfaltlanmadığı üçün sözün əsl mənasında biz evə müəyyən xəsarətlərlə çatırıq. Həm avtobus, həm də yol məsələsinə görə müxtəlif qurumlara şikayət etməyimizə baxmayaraq, heç kim məsələni həll etmək istəmir”, - deyə sərnişin narahatlığını ifadə edib.
Vətəndaşlar aidiyyəti qurumlardan adıçəkilən problemlərin həll edilməsini tələb edirlər.
