Sumqayıt-Mingəçevir, Sumqayıt-Quba, Sumqayıt-Kürdəmir, Sumqayıt-Qazax və Sumqayıt-Xankəndi-Laçın üzrə müntəzəm avtobus marşrutları müsabiqəyə çıxarılır.
Sumqayit24.az xəbər verir ki, bu barədə Azərbaycan Yerüstü Nəqliyyat Agentliyindən (AYNA) məlumat verilib.
Sənədlər 1 mart 2025-ci il saat 17:00-dək AYNA-da qəbul ediləcək.
İddiaçıların təklifləri komissiya tərəfindən Sumqayıt-Mingəçevir, Sumqayıt-Quba və Sumqayıt-Kürdəmir istiqamətlərində 7 Lot üzrə martın 14-də; Sumqayıt-Qazax ilə Sumqayıt-Xankəndi-Laçın istiqamətlərində 7 Lot üzrə isə martın 18-də baxılacaq.
Lotlar üzrə marşrutların qrafikləri haqqında məlumatı buradan əldə edə bilərsiniz.
Qeyd edək ki, müsabiqəyə əsas avtobuslarla yanaşı, ehtiyat nəqliyyat vasitələri də təqdim olunmalıdır.
Ünvan: Bakı şəhəri, Tarzən Hacı Məmmədov küçəsi 5.
Əlaqələndirici şəxs: Elsevər Qədimov – (050) 855 53 55, e-poçt: [email protected].
