Cari il ali təhsil müəssisələrinə qəbul imtahanlarında yüksək bal toplayan abituriyentlər arasında Sumqayıt ön sıradadır. Bu haqda 5 iyul tarixində Sumqayıt24 xəbər verir.
Yüksək bal toplayanlar respublikanın 73 bölgəsini təmsil edirlər. Onların nisbi sayına görə Sumqayıt, Mingəçevir və Bakı şəhərləri, Qəbələ, Abşeron və Şəki rayonlarının göstəriciləri daha yüksək olub. Bu bölgələrdən ali təhsil müəssisələrinə sənəd verən hər 100 nəfər gəncin 12-13-ü imtahanlarda 500-dən yuxarı bal toplayıb.
Qeyd edək ki, 600-dən yuxarı bal toplayanların çoxu - 52,05%-i (1081 nəfər) 1-ci qrupun abituriyentləridir.
