Sumqayıtda avtobus sürücülərinin məsuliyyətsizliyi sakinləri təngə gətirib.
Sumqayit24.az-a şikayət ünvanlayan vətəndaşların sözlərinə görə, 7A marşrut xəttinin əksər sürücüləri hərəkət sxeminə uymur. Belə ki, onlar Bakı küçəsi ilə hərəkətdə olarkən avtovağzala getməkdən imtina edirlər:
“Bir çox sürücü özbaşına qərar verərək 12 mərtəbələr”dən düz Sülh prospektinə dönürlər. Yəni avtovağzal danacağına girmirlər. Səbəb kimi həmin ərazidə tıxacın olduğunu gətirirlər. Sərnişinlər narazılıq etsələr də məhəl qoyan yoxdur.
Onlar nə hava şəraitini, nə də qoca, əli yüklü insanları nəzərə almırlar.
Sumqayıt avtovağzalında nə tıxac?! 3 dəqiqəyə keçiləcək yoldur. Onların dərdi bir-biri ilə yarışmaq, daha çox pul qazanmaqdır. Nağdsız ödəniş, maaşlı sistem qurulmadan problemlərin ardı gələcək!”.
