Sumqayıtda abadlıq işlərinin satınalınması ilə bağlı tenderə yekun vurulub. Sumqayıt24 bu haqda 28 iyul tarixində Olke.az-a istinadən xəbər verir.
Sumqayıt Şəhər İcra Hakimiyyətinin elan etdiyi müsabiqəni “Everest Tikinti” MMC və “Alternativ Enerji” MMC qazanıb. Şirkətlərlə, müvafiq olaraq 355.017 manat və 268.504 manat məbləğində müqavilələr imzalanıb.
Qeyd edək ki, qanuni təmsilçisi Firdosi Rəhimov olan “Everest Tikinti” MMC Quba rayonu, Zərdabi ərazisində qeydiyyatdadır. Şirkətin nizamnamə kapitalı 10 manatdır.
“Alternativ Enerji” MMC-nin isə qanuni təmsilçisi Nəriman Əliyevdir. Nizamnamə kapitalı 10 manat olan şirkətin hüquqi ünvanı Beyləqan rayonu, Beyləqan şəhəri, G. Əsədov, ev 46-dır.
Maraqlısı odur ki, hər iki şirkət 11.03.2019-cu il tarixində dövlət qeydiyyatına alınıb.
