Xəbər verdiyimiz kimi, ötən gün baş verən yol qəzasında 7 nəfər xəsarət alıb.
Sumqayıt Tibb Mərkəzindən Sumqayit24.az-a verilən məlumata görə, qəzada yaralananlardan biri də müğənni Ayla Şiriyevadır.
12:25
Dünən axşam saatlarında Bakı-Quba yolunda qəza baş verib. "KIA Sportage" markalı avtomobil aşıb. Hadisə zamanı 7 nəfər yaralanıb. Xəsarət alan şəxslər Sumqayıta təxliyyə olunublar.
Sumqayit24.az yaralıların son durumunu öyrənmək üçün TƏBİB-ə sorğu ünvanlayıb. Sorğuya cavab olaraq bildirilib ki, Sumqayıt Tibb Mərkəzinin nəzdində olan tibb müəssisələrinə təxliyə olunan şəxslərdən 2-si müvafiq tibb müəssisələrinə, 5 nəfər isə ambulator müalicə üçün evə buraxılıb:
“Təcili Tibbi Yardım Xəstəxanasına hospitalizasiya olunan şəxslərdən 1-i ambulator müalicə üçün evə buraxılıb. Reanimasiya şöbəsində müalicəsi davam etdirilən 2 nəfərdən 1-i Elmi-Tədqiqat Travmatologiya və Ortopediya İnstitutuna, digəri isə özəl müəssisəyə təxliyə olunub.
Uşaq Xəstəxanasına hospitalizasiya olunan 4 nəfər isə yaxınlarının yazılı iltizamnaməsi ilə ambulator müalicə üçün evə buraxılıb”.
