Sumqayıtda 3, 9, 12 və 30 nömrəli avtobuslarda ikili tarifin tətbiqi ilə bağlı açıqlama verilib. Sumqayıt24 bu haqda 4 fevral tarixində Report.az-a istinadən xəbər verir.
Azərbaycan Yerüstü Nəqliyyat Agentliyindən (AYNA) daşıyıcılara xəbərdarlıq edilib:
"Məsafədən asılı olaraq, avtobusda şəhərdaxili qiymət 40 qəpik, şəhərətrafı qiymət isə 50 qəpik səviyyəsində müəyyən edilib. Tariflərin tənzimlənməsi barədə Tarif Şurasının qərarının icrasının təmin edilməsi və sui-istifadə hallarına yol verilməməsi məqsədilə sözügedən 4 şəhərətrafı marşrut üzrə məlumatlandırma işləri aparılır. Daşıyıcılara süni qiymət artımına yol verməmələri barədə xəbərdarlıq edilib".
