“Azəriqaz” İstehsalat Birliyinin (İB) baş direktorunun müavini Ceyhun Şıxəliyev 2 şəhid ailəsini ziyarət edib. Bu haqda bu gün, 30 dekabr tarixində İB rəsmi Facebook hesabında məlumat yayıb.
Məlumata əsasən, şəhid Zaur Mədətov və şəhid Rauf İbadov İB-də çalışırdılar. Birlik tərəfindən ziyarət edilən ailələr Həmrəylik Günü və Yeni il münasibətilə təbrik ediliblər.
Mədətov Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb. Zaur Mədətov oktyabrın 8-də Füzuli döyüşləri zamanı şəhid olub. O, Sumqayıt şəhərinin Şəhidlər Xiyabanında dəfn olunub. Mədətova ölümündən sonra "Vətən uğrunda" və "Cəbrayılın azad olunmasına görə" medalları ilə təltif edilib.
Rauf İbadov müharibə başladığı ilk gündən Füzuli, Cəbrayıl, Hadrut, Qubadlı və Laçında olan döyüşlərdə iştirak edib. O, Laçın dəhlizi ərazisində mühasirəyə düşdüyündə üzbəüz atışma zamanı əlbəyaxa döyüşlə bir neçə düşməni məhv edib və həlak olub. 9 oktyabr 2020-ci il tarixində Saray qəsəbəsindəki Şəhidlər Xiyabanında dəfn olunmuşdur. Ölümündən sonra "Vətən Uğrunda", Cəbrayılın və Füzulinin medalları və Fəxri Fərman ilə təltif edilib.
Qeyd edək ki, şəhid valideynləri uzun illərdir ki, Birliyin Sumqayıt qaz istismarı Sahəsində çalışır. Həmçinin şəhid Rauf İbadovun bacısı Banu İbadova da “Azəriqaz” İB-də işlə təmin olunub.
Foto Azeriqaz Facebook
