SOCAR “Azərikimya” İstehsalat Birliyinin (İB) baş direktoru, “Sumqayıt” futbol klubunun Müşahidə Şurasının sədri Elnur Məmmədliyə ağır itki üz verib.
Sportnet.az-ın məlumatına görə, onun atası, tanınmış alim və folklorşünas Elxan Məmmədli 79 yaşında uzun sürən xəstəlikdən sonra vəfat edib.
Elxan Məmmədli AMEA Folklor İnstitutunun Aşıq yaradıcılığı şöbəsinin müdiri kimi uzun illər fəaliyyət göstərib. O, Azərbaycan ozan-aşıq sənətinin inkişafına mühüm xidmətlər göstərib, televiziya və radio vasitəsilə folklor irsinin təbliğinə töhfə verib. 2008-ci ildə “Əməkdar mədəniyyət işçisi” fəxri adına layiq görülüb.
