Hərəkətin intensiv olduğu Bakı-Sumqayıt dəmir yolu xətti ərazisindən keçən şəxslərin təhlükəsizliyini təmin etmək məqsədilə keçid körpülərdə, tunellərdə yenidən-qurma işləri aparılıb. Bu barədə bu gün, 23 noyabr tarixində "Report" məlumat verib.
Bakı-Sumqayıt dəmir yolu xətti üzrə 120 kilometr yol daş hasar və metal torlarla çəpərlənib. Burada 12 yeraltı avtomobil tuneli, 25 yeraltı və yerüstü piyada keçidi inşa olunub.
"Bununla belə vətəndaşlardan diqqətli olmağı xahiş edirik. Həyatınızı riskə atmayın! Unutmayaq ki, dəmir yolu xəttinin üzərindən keçərkən yalnız xüsusi təyin olunmuş yerlərdən istifadə etmək lazımdır", - deyə "Azərbaycan Dəmir Yolları" QSC (ADY) bildirib.
