Bakı-Pirşağı-Sumqayıt sürət qatarı yarım saatdır ki, yolda qalıb
Baku.ws-nin məlumatına görə, qatar təxminən 30 dəqiqədir ki dayanıb.
Buna səbəb əlverişsiz hava şəraiti və enerji təminatında yaranan problem olub.
Hadisə nəticəsində qatarın hərəkəti mümkün olmayıb və marşrutun davam etdirilməsi dayandırılıb.
Sərnişinlər bildiriblər ki, dayanma səbəbindən qatarda müəyyən narahatlıq yaranıb. Qatar briqadası isə sərnişinləri sakitləşdirərək təhlükəsizlik baxımından vəziyyətin nəzarətdə olduğunu açıqlayıb.
Hazırda qatar gəldiyi istiqamət üzrə geri qaytarılır.
Azərbaycan Dəmir Yollarından bildirildi ki, saat 10:10 radələrində Abşeron dairəvi dəmiryol marşrutu üzrə Sumqayıt-Pirşağı sahəsində kontakt şəbəkəsində yaranmış texniki nasazlıq bu istiqamətdə bəzi qatarların hərəkətində gecikmələrə səbəb olub:
“Nasazlığın aradan qaldırılması üçün tədbirlər görülür. Sərnişinlərdən yaranan narahatlığa görə anlayışlı olmalarını xahiş edirik”.
