Jurnalist Sünbül Hüseynova sosial şəbəkə hesablarında Bakı–Sumqayıt qatarında yaşanan ödəniş problemlərini gündəmə gətirib.
O bildirib ki, keçiddə kartı oxudanda sistem tez-tez "kart işləmir" göstərir, amma günün sonunda həmin "işləməyən" kartdan da, keçidi açan kartdan da pul çıxıldığı məlum olur:
"Bank kartını vuranda keçid açılmır və işçilər "kart işləmir, başqa kart yoxlayın " deyirlər. Mən də digər kartdan istifadə edirəm və keçid açılır. Lakin növbəti gün sistemdə hər iki kartımdan da vəsait çıxıldığı görünür: işləməyən kartdan 1.20 AZN, keçidə icazə verən kartdan isə 0.60 AZN tutulur.
Əgər ilk kart işləmirsə, ondan necə ödəniş çıxıla bilər?
Məsələ ilə bağlı stansiya işçilərinə müraciət etdikdə, "qaynar xəttə zəng edin" deyilir, lakin qaynar xətt ümumiyyətlə cavab vermir və işlək deyil. Niyə mən 0.60 AZN-lik yolu 1.80 AZN ödəməliyəm?"
