Bakı-Sumqayıt yolunda, "Abşeron" Gənclər şəhəricyinin qarşısında dəmir arakəsmə təhlükə saçır.
Bakıvaxtı.az-ın məlumatına görə, bir müddət öncə həmin hissədə avtomobil qəzası baş verib və nəticədə dəmir arakəsmə yararsız hala düşüb. Arakəsmənin dirəkləri önə əyilərək, ən azı 50-60 santimetr qabağa çıxıb. Bu isə sürücülər üçün olduqca böyük təhlükə, risk vəd edir.
Avtomobil idarə etmək bəzən santimetrlə ölçülür. Belə olan halda arakəsmənin 50-60 sm önə əyilməsi ciddi problemlər yaradır. Vəziyyət bir neçə aydır ki, olduğu kimi qalır, aidiyyəti qurumlar isə əməli addımlar atmır. Hətta bu günlərdə həmin arakəsmə ağır qəzaya səbəb olub.
