Ermənistanın Azərbaycan şəhərlərinə raket hücumları mülki əhaliyə qarşı həyata keçirilmiş ən ağır terror aktlarından biri kimi yadda qaldı.
2020-ci ilin müxtəlif dövrlərində Ermənistan silahlı qüvvələri Tərtər, Gəncə, Bərdə və digər yaşayış məntəqələrini "Smerç", "Toçka-U", "Elbrus" və "Qrad" tipli raketlərlə hədəfə alıb. Bu hücumlar nəticəsində uşaqlar, qadınlar, yaşlı insanlar da daxil olmaqla çox sayda dinc sakin həyatını itirib və ya ağır yaralanıb.
Xüsusilə Bərdəyə edilən zərbələr faciənin miqyasını daha da artırdı. 2020-ci il oktyabrın 28-də saat 13:00 radələrində düşmənin silahlı birləşmələri tərəfindən şəhərin insanların sıx hərəkət etdiyi və ticarət obyektlərinin yerləşdiyi əraziyə beynəlxalq hüquqla qadağan olunmuş kaset bombaları ilə zərbələr endirildi. Hücum nəticəsində 21 nəfər həlak oldu, təxminən 70 nəfər yaralandı. Şəhərdə yerləşən mülki infrastruktur obyektlərinə və nəqliyyat vasitələrinə böyük həcmdə ziyan dəydi.
