Sumqayıtda Beynəlxalq Müəllimlər Günü ilə əlaqədar tədbir keçirilib. Bu barədə 4 oktyabr tarixində Mədəniyyət Xəbərlərinə istinadən məlumat veririk.
Səməd Vurğun adına Mərkəzi Kitabxananın Uşaq şöbəsi tərəfindən təşkil olunan “Müəllim millətin ən yanar şamı” adlı tədbir 5 nömrəli tam orta məktəbdə baş tutub. Kitabxananın mütəxəssisi Lalə Muradova şagirdlərə Beynəlxalq Müəllimlər Gününün tarixindən, müəllimlərin təhsilin inkişafında göstərdikləri böyük xidmətlərdən bəhs edib. Sonra şagirdlər müəllimə həsr edilən müxtəlif şeirlər söyləyiblər. Tədbirin sonunda şagirdlər mövzu ilə bağlı kitablar və dövrü mətbuat materiallarından ibarət sərgi ilə tanış olublar.
