Sumqayıtın yaşayış massivlərindən birində yolun vəziyyəti narahatlıq doğurur.
Sumqayit24.az-a müraciət edən sakinlərin sözlərinə görə, Yaşıl Dərə yaşayış massivində su kanalının üzərində yerləşən kiçik körpünün yaxınlığındakı yol baxımsız vəziyyətdədir.
Bildirilib ki, yolun müəyyən hissəsinə asfalt çəkilsə də, digər hissəsi asfaltsız qalıb.
Bu vəziyyətin yayda toz-torpaq, qış aylarında isə palçıq probleminin yaranmasına səbəb olduğu qeyd olunub.
"Yolun bu vəziyyətdə olması xüsusilə ərazidən istifadə edən bağçaya və məktəbə gedən uşaqlar üçün çətinliklər yaradır. Bundan əlavə, nəqliyyat vasitələrinin hərəkətinə də mane olur", – deyə sakin narahatlığını ifadə edib.
Vətəndaşlar aidiyyəti qurumlardan sözügedən ərazinin asfaltlanmasını xahiş edirlər.
