Sumqayıt şəhəri, 9-cu mikrorayonun bir hissəsində yol bərbad vəziyyətdədir.
Sumqayit24.az xəbər verir ki, köhnə "Şərq bazarı" kimi tanınan boş ərazinin yaxınlığından keçən avtomobil yolu uzun müddətdir ki, təmirsizdir. Həmin yol ərazidə yaşayan sakinlər tərəfindən gündəlik və intensiv şəkildə istifadə olunur.
Sakinlərin sözlərinə görə, yolun müxtəlif hissələrində iri çuxurlar və deformasiyalar yaranıb. Nəticədə avtomobillərin hərəkəti çətinləşir, xüsusilə yağışlı havalarda vəziyyət daha da ağırlaşır.
Vətəndaşlar yolun qısa müddətdə təmir olunmasını və problemin aidiyyəti qurumlar tərəfindən diqqətə alınmasını xahiş edirlər.
