“Corat qəbiristanlığının 4 yolu” kimi tanınan ərazidə tez-tez yol-nəqliyyat hadisələri baş verir.
Vətəndaşlar bununla bağlı Sumqayit24.az-a şikayət ünvanlayıblar. Onlar qəzaları ərazidə işıqforun olmaması ilə əlaqələndirirlər.
“Sumqayıt tərəfdən yüksək sürətlə gələn sürücülər yola çıxmağa çalışan digər nəqliyyat vasitələrinə fikir vermir, nəticədə bədbəxt hadisələr qeydə alınır.
Bir neçə gün öncə burada iki avtomobil toqquşub, həmçinin bir qadını maşın vuraraq öldürüb.
Məsul qurumlardan tədbir görmələrini xahiş edirik”, - deyə sakinlər bildiriblər.
