27 sentyabr 2020-ci ildə başlayan İkinci Qarabağ müharibəsi Azərbaycanın tarixi qələbəsi ilə bitmişdir.
Ermənistan ordusuna qarşı 44 gün sürən hərbi əməliyyatlar nəticəsində Azərbaycan Ordusu 4 oktyabr Cəbrayıl, 17 oktyabr Füzuli, 20 oktyabr Zəngilan, 25 oktyabr Qubadlı, 8 noyabr Şuşa şəhərlərini işğaldan azad etmişdir. 10 noyabr 2020-ci ildə Azərbaycan, Ermənistan və Rusiya arasında imzalanan bəyanatdan sonra isə 20 noyabr Ağdam, 25 noyabr Kəlbəcər, 1 dekabr isə Laçın rayonu işğaldan azad olunmuşdur.
Zəfər Günü hər il noyabrın 10-da keçirilməli idi. Lakin bu tarix Türkiyədə Mustafa Kamal Atatürkün anım gününə təsadüf edir. Bunu nəzərə alaraq, Azərbaycan Respublikasının Prezidenti İlham Əliyevin 3 dekabr 2020-ci il tarixli qərarına əsasən, Zəfər Günü hər il noyabrın 8-də qeyd olunur. Həmçinin bu gün Şuşanın azad olunma günü kimi qeyd edilir.
Azərbaycan Müdafiə Nazirliyinin məlumatına əsasən, Vətən müharibəsi zamanı Azərbaycanda 2908, Səfərbərlik və Hərbi xidmətə Çağırış üzrə Dövlət Xidmətinin məlumatına əsasən isə, Sumqayıt şəhərindən 90 hərbi qulluqçu şəhidlik zirvəsinə ucalıb.
