Bu gün şəhid Şulan Bayramovun doğum günüdür.
Şulan Bayram oğlu Bayramov 28 iyul 1996-cı ildə Sumqayıt şəhərində anadan olmuşdur. 2013-cü ildə 33 saylı tam orta məktəbi bitirən Şulan bir il sonra, 2014-cü ildə Azərbaycan Dəniz Balıq Sənayesi Kollecinə daxil olmuşdur. Əsgər Bayramov 2016-cı ilin aprel ayında Azərbaycan-Ermənistan təmas xəttində baş verən atışma zamanı qəhrəmancasına şəhid olub.
Aprelin 7-si isə Şulan Bayramov doğma şəhərində Şəhidlər Xiyabanında son mənzilə yola salınıb. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılmışdır. Mərasimin sonunda yaylım atəşi açıldı və şəhidimiz torpağa tapşırıldı.
Şulan ölümündən sonra "Hərbi xidmətdə fərqlənməyə görə" 3-cü dərəcəli medalı ilə təltif edilib.
