1992-ci ildən hər il 17 Noyabr - Milli Dirçəliş Günü kimi qeyd edilir.
1988-ci ilin ilk günlərindən Ermənistanın Azərbaycana qarşı açıq təcavüzü başladı. SSRİ-nin rəhbəri M.Qorbaçovun, Ermənistan hökumətinin tapşırığı və göstərişi ilə Ermənistanda yaşayan 200 mindən çox azərbaycanlı öz yurdlarından kütləvi surətdə qovuldu. Ermənilər, həmçinin azərbaycanlıları öldürüb, diri-diri yandırırdılar.
17 noyabr 1988-ci ildə Bakının Azadlıq meydanında Sovet hakimiyyətinə qarşı mitinqlər başladı. Bu, əsl milli azadlıq hərəkatı idi. Dekabrın əvvəllərində sovet qoşunları tərəfindən ümumxalq mitinqinin dağıdılmasına baxmayaraq, azad Azərbaycanın təməli qoyuldu.
