31 dekabr – Dünya Azərbaycanlılarının Həmrəyliyi Günüdür. Bu günün əsası Ümummilli lider Heydər Əliyev tərəfindən qoyulub. Bayramın təməli 1989-cu ilin sonlarında Naxçıvanda SSRİ–İran sərhədlərinin sökülməsi ilə başlayan ümumxalq hərəkatı ilə bağlıdır. Şimali və Cənubi Azərbaycan arasında sərhəd dirəklərinin dağıdılması qohumların və həmvətənlərin ünsiyyətinə imkan yaratdı, bu isə milli birlik ideyasının güclənməsinə səbəb oldu.
1990-cı ildə Naxçıvanda bu tarix geniş qeyd edildi. 1990-cı ilin noyabrında Türkiyədə keçirilən Birinci Millətlərarası Azərbaycan dərnəkləri qurultayında 31 dekabrın hər il bayram kimi qeyd olunması təklif edildi. Nəticədə 1991-ci il dekabrın 16-da Heydər Əliyevin təşəbbüsü ilə Naxçıvan Muxtar Respublikası Ali Məclisinin qərarı ilə 31 dekabr Dünya Azərbaycanlılarının Həmrəyliyi Günü elan olundu.
Hazırda bu bayram dünyanın 70-dən çox ölkəsində yaşayan azərbaycanlılar tərəfindən qeyd olunur və dünyada yaşayan azərbaycanlıların birlik və həmrəylik istəyinin rəmzi hesab olunur.
Sumqayit24.az kollektivi adından Dünya Azərbaycanlılarının Həmrəyliyi Günü münasibətilə bütün həmvətənlərimizi təbrik edirik.
