Bu gün sumqayıtlı Əməkdar artist Dilarə Əliyevanın doğum günüdür.
Sumqayit24.az xəbər verir ki, aktrisa 1972-ci ildə Sumqayıt şəhərində anadan olub. O, 1994-cü ildə Azərbaycan Dövlət İncəsənət Universitetini bitirib, 1996-2009-cu illərdə Cəfər Cabbarlı adına İrəvan Dövlət Azərbaycan Dram Teatrında çalışıb.
Dilarə Əliyeva müxtəlif tamaşalarda və televiziya filmlərində rol alıb. O, uzun müddət ATV telekanalında yayımlanan "Çal-çağır" proqramının aparıcısı olub. Hazırda isə ARB televiziyasında "Söhbət Var" verilişinin aparıcısıdır.
2007-ci ildə Azərbaycan mədəniyyətinin inkişafındakı xidmətlərinə görə "Əməkdar artist" fəxri adına layiq görülüb.
Aktrisa "SOY Production" mərkəzinin rəhbəri, mərhum Oqtay Əliyevin həyat yoldaşıdır. Onların Aytən və Banu adlı iki qızı var.
Qeyd edək ki, yaxın günlərdə Dilarə Əliyeva ARB televiziyasında müşavir vəzifəsinə təyin olunub.
