Novxanı qəsəbəsində kanalizasiya xəttinin olmaması illərdir ciddi problemlər yaradır.
Məlumata görə, qrunt sularının səthə çıxması nəticəsində çirkab suları sakinlərin fərdi yaşayış evlərinin həyətlərinə, küçələrə və magistral yola axır. Bu vəziyyət ərazidə antisanitar vəziyyət yaradır, həmçinin yolun gələcəkdə yararsız vəziyyətə düşməsinə səbəb ola bilər.
"Üç ildir burada yaşayıram. Əvvəllər belə bir vəziyyət olmamışdı. Həyətlərdən su çıxır. Suyun tərkibi necədirsə, ağaclar da quruyur. Bunun səbəbi isə bizdən yuxarıda yaşayan 126 sakinin kanalizasiya xəttinin olmamasıdır", - deyə sakinlərdən biri bildirib.
"Sular yığılır, bataqlıq əmələ gəlir. Antisanitariya yaranır. Bu da ağcaqanadların və milçəklərin çoxalmasına səbəb olur", - digər sakin qeyd edib.
