Novruz bayramı yazın gəlişi ilə eyni gündə qeyd olunur. Novruz bayramını qeyd etmək təzə ili, baharın ilk gününü qarşılamaq deməkdir. Bu bayramda göyərdilən səməni təbiətin canlanmasının rəmzidir.
Ənənəyə görə, bayramın ilk günü hamı evdə olmalıdır. Xalq arasında bununla bağlı belə deyirlər: “Əgər bayram günü evdə olmasan, yeddi il evdə olmayacaqsan”. Təzə ilin birinci günü bütün gecə işıqlar söndürülmür, sönmüş od, işıq bədbəxtçilik əlamətidir.
Novruz bayramı qədim ənənələrlə, oyunlarla zəngindir. Onlardan “Xıdır İlyas” (məhsuldarlıq, çiçəklənmə rəmzi), “Kos-kosa” (baharın gəlməsi rəmzi), “Qurd oyunu”, “Aşıq oyunu”, “Dirə döymə”ni qeyd etmək olar.
İnanclara görə, Novruzun birinci günü - yaz, ikincini - yay, üçüncü - payız, dördüncü günü isə - qış sayılır. Əgər birinci gün küləksiz və yağmursuz olarsa, deməli bu yaz kənd təsərrüfatı işləri üçün əlverişli olacaq. Əksinə yağmurlu, küləkli olsa, deməli bütün yaz belə olacaq.
