Bu gün şəhid Kənan Əhmədovun şəhadətinin 3-cü ildönümüdür.
Azərbaycan Silahlı Qüvvələrinin leytenantı Kənan Ləzgi oğlu Əhmədov 15 fevral 1995-ci ildə Qaraqoyunlu elinin Yuxarı Çaykənd kəndində doğulub. Orta məktəbi bitirdikdən sonra həqiqi hərbi xidmətə yollanıb. Vətən müharibəsi zamanı Füzuli və Cəbrayıl rayonları istiqamətində döyüşlərdə şücaət nümayiş etdirib. Fuzuli və Cəbrayıl arasında gedən ağır döyüşlərin birində qəhrəmancasına şəhid olub. Oktyabrın 26-sı Sumqayıt Şəhidlər xiyabanında dəfn olunub.
Prezident İlham Əliyevin Sərəncamı ilə Kənan ölümündən sonra “Döyüşdə fərqlənməyə görə”, “Vətən uğrunda” və “Füzulinin azad olunmasına görə” medalları ilə təltif edilib.
