Ceyranbatanlı şəhid - kiçik gizirin məzarını köçürdülər. Bu haqda Qaynarinfo.az-a hərbi ekspert Ədalət Verdiyev bildirib.
Məlumata görə, Ceyranbatan qəsəbəsində dəfn olunan İlkin Xosrovzadənin məzarının yeri dəyişdirilib. Bu məsələ şəhidin ailəsinin müraciəti əsasında onların iştirakı ilə ətraflı araşdırılıb. Məlum olub ki, şəhidimizin məzarı Yasamal rayonundakı Şəhidlər Xiyabanına köçürülüb.
İlkin oktyabrın 22-də Zəngilan rayonu ərazisində Sığırd yuksəkliyinin azad olunması uğrunda döyüşdə başından qəlpə yarası alıb və qəhrəmancasına şəhid olub. O, ölümündən sonra 3-cü dərəcəli "Vətənə xidmətə görə" ordeni, "Vətən uğrunda" və "Zəngilanın azad olunmasına görə" medalları ilə təltif olunub.
