Fövqəladə Hallar Nazirliyinin “112” qaynar telefon xəttinə Sumqayıt şəhəri, Corat qəsəbəsində fərdi yaşayış evində yanğın baş verməsi barədə məlumat daxil olub.
Sumqayit24.az Nazirliyin Mətbuat xidmətinə istinadən xəbər verir ki, yanğın nəticəsində ümumi sahəsi 180 m² olan yardımçı tikilinin təsərrüfat otağının yanar konstruksiyaları 20 m² sahədə və dam örtüyü 30 m² sahədə yanıb.
Yardımçı tikilinin qalan hissəsi və fərdi yaşayış evi Fövqəladə Hallar Nazirliyinin əməkdaşları tərəfindən yanğından mühafizə olunub.
