Millət vəkili Rüfət Quliyev paytaxtdan Sumqayıta alternativ sərnişindaşıma üsulunu təklif edib. Bu haqda 16 iyun tarixində Sumqayıt24 Report.az-a istinadən məlumat verir.
Bu haqda Milli Məclisin bu gün keçirilən növbədənkənar iclasında deputat Rüfət Quliyev bildirib: "Bizim imkanımız var ki, sərnişindaşımada dənizdən istifadə edək".
Deputat əlavə edib: "Bakıdan Sumqayıt istiqamətində bunu edə bilərik. Mən təklif edirəm ki, imkan varsa, bunu yenidən edək. Vaxtilə, 15-17 il öncə belə bir sistem var idi".
