5 saylı Bakı DOST Mərkəzində şəbəkələşmə görüşü olub. Sumqayıt24 bu haqda 5 iyul tarixində xəbər verir.
Tədbirdə Tələbələrin Akselerasiya Proqramına (TAP) cəlb olunan Sumqayıtda oxuyan tələbə və məzunlar, peşəkar təlimçilər və layihə komandası iştirak ediblər.
Görüşdə müxtəlif interaktiv və intellektual oyunlar keçirilib, iştirakçıları maraqlandıran mövzular müzakirə edilib. Məqsəd əlilliyi olan gənclərin əmək bazarının tələblərinə uyğun işçi qüvvəsinə çevrilməsi, məşğulluq imkanlarının və bacarıqlarının artırılması, müvafiq təcrübə imkanlarının yaradılması, cəmiyyətdə əlilliklə bağlı mənfi davranış və stereotiplərin dəyişdirilməsidir.
