Sumqayıt Dövlət Universitetinin (SDU) akkreditasiya şəhadətnaməsinin müddəti uzadılıb. Sumqayıt24 bu haqda 9 iyun tarixində Report.az-a istinadən xəbər verir.
Elm və Təhsil Nazirliyinin Akkreditasiya Şurasının yeni tərkibdə ilk iclası keçirilib. Iclasda bir sıra universitetlərdə keçirilmiş institusional akkreditasiya qiymətləndirməsi əsasında hazırlanmış hesabat və təhlillər təqdim edilib.
Sonda baş tutan səsvermədə SDU-nun institusional akkreditasiya nəticəsi "qismən uyğundur" hesab edilib. Qüvvədə olan akkreditasiya şəhadətnaməsinin müddətinin növbəti 2 il uzadılması, universitetin 1 ildən sonra təkrar akkreditasiya edilməsi qərarı alınıb.
Xatırladaq ki, Akkreditasiya Şurasına elm və təhsil naziri Emin Əmrullayev sədrlik edib.
