Mərkəzi Uşaq Kitabxanasında “İntellektual sistemlər və texnologiyalar” adlı tədbir keçirilib. Sumqayıt24 bu barədə 23 noyabr tarixində “Mədəniyyət Xəbələri”nə istinadən xəbər verir.
“Elm və texnologiya ili” layihəsi çərçivəsində keçirilən tədbir 12 nömrəli tam orta məktəbin 7b sinif şagirdlərinin və SUMbuilders Təlim Olimpiada İstehsal Mərkəzinin təsisçisi və mentoru Tural Süleymanovun iştirakı ilə baş tutub.
Kitabxana mütəxəssisi Səbinə Qasımova hazırkı dövrdə elmin, texnologiyanın cəmiyyətin həyatında oynadığı mühüm rolundan danışıb. O, texniki elmlərin müxtəlif sahələrindən bəhs edən kitabların sərgiləndiyi “Bunları bilmək maraqlıdır” adlı sərgi ilə iştirakçıları tanış edib.
Sonda oxucu Ömər Qasımzadənin müəllimi ilə birgə masa üzərində robotun yığılıb sökülməsi, hərəkətə gətirilməsi və maneələrin dəf edilməsini əyani şəkildə göstərməsi tədbir iştirakçılarının marağına səbəb olub.
