Xəbər verdiyimiz kimi, Sumqayıtın mərkəzində iri ağaclar aşıb.
Feysbuk sosial şəbəkə istifadəçisi Anar Xanlarov 45-ci məhəllədə, "Əyri dom" kimi binanın arxasındakı bu 40-50 illik şam ağaclarının qəsdən kökündən çıxarılaraq aşırıldığını iddia edir. O, bildirir ki, son günlər ərzində güclü külək müşahidə edilməyib və burada təbiət faktoru istisnadır.
Sumqayit24.az-ın sorğusuna Sumqayıt Şəhər İcra Hakimiyyətindən bildirilib ki, son günlər müşahidə olunan intensiv yağıntılar nəticəsində torpaq qatının yumşalması nəticəsində bir neçə ünvanda, həmçinin 45-ci məhəllə ərazisində ağaclar aşıb:
"Hadisə ilə bağlı aidiyyəti qurumlar tərəfindən zəruri tədbirlər görülür".
***
Sumqayıtın mərkəzində iri ağaclar aşıb.
Feysbuk sosial şəbəkə istifadəçisi Anar Xanlarov 45-ci məhəllədə, "Əyri dom" kimi binanın arxasındakı bu 40-50 illik şam ağaclarının qəsdən kökündən çıxarılaraq aşırıldığını iddia edir. O, bildirir ki, son günlər ərzində güclü külək müşahidə edilməyib və burada təbiət faktoru istisnadır:
"Bu aralar güclü külək olmadığı üçün şübhə yoxdur ki, burda insan faktoru var. Videodan da görünür ki, ağacar qurumayıb. Kim bunu hansı məqsədlə edib, araşdırılmalıdır. Bir şam ağacının bu həddə gəlməsi illər alır. Kiminsə şəxsi marağı ucbatından edilibsə, cinayətdir. Son zamanlar Sumqayıtda yaşıllıqların məhvi gedir".
