Fövqəladə Hallar Nazirliyi (FHN) Sumqayıt Regional Mərkəzinin şəxsi heyəti Saray qəsəbəsində olub. Bu barədə 18 iyul tarixində Sumqayıt24 xəbər verir.
Onlar Sağlamlıq İmkanları Məhdud Uşaqlar üçün 2 saylı Sosial Xidmət Müəssisəsinə baş çəkiblər. Tədbirdə sağlamlıq imkanları məhdud uşaqlar ulu öndər Heydər Əliyevə, Prezident İlham Əliyevə, Vətənə və şanlı Ordumuza həsr olunmuş şeir və mahnılar səsləndirib, şən rəqs nümunələri ilə çıxış ediblər.
Mərkəzin Xüsusi xilasetmə hissəsinin xilasediciləri uşaqlara xilasetmə texnikası, alət və avadanlıqlar nümayiş ediblər.
Sonda sağlamlıq imkanları məhdud uşaqlar üçün süfrə açılıb və onlara müxtəlif hədiyyələr təqdim olunub.
