Fövqəladə Hallar Nazirliyinin (FHN) Sumqayıt Regional Mərkəzi “Qarlı hava şəraitində avtomobildə köməksiz vəziyyətdə qalmış zərərçəkmişlərə köməkliyin göstərilməsi” mövzusunda təlim keçirib.
Sumqayit24.az xəbər verir ki, bu barədə FHN məlumat yayıb.
Təlim zamanı şərti olaraq yolun qarlı-buzlu olması səbəbindən avtomobilin “dərəyə sürüşmə təhlükəsinin” yaranması, sürücü və sərnişinin soyuq hava şəraitində köməksiz vəziyyətdə qalması ilə əlaqədar “hadisə yerinə” operativ çatan xilasedicilər zərərçəkmişlərə müvafiq köməklik göstəriblər. Həmçinin, həyata keçirilən xilasetmə tədbirləri nəticəsində avtomobilin təhlükəsiz əraziyə çıxarılması təmin edilib.
Sonda təlimin nəticələrinin təhlili aparılıb, müvafiq tapşırıqlar verilib.
