Fövqəladə Hallar Nazirliyinin Sumqayıt Regional Mərkəzi (RM) mülki müdafiə kursları keçirib.
Sumqayit24.az xəbər verir ki, kurslar "Ümumtəhsil orta məktəblərinin təlim-tərbiyə işləri üzrə direktor müavinləri", "İnzibati ərazi dairələri üzrə nümayəndələr" və "Bələdiyyə sədrləri" kateqoriyaları üzrə təşkil olunub.
Kurslarda kollektiv mühafizə vasitələrindən istifadə, təxliyə planlarının düzgün hazırlanması, təbii və texnogen xarakterli fövqəladə hadisələr zamanı düzgün davranış, xilasetmə alət və avadanlıqlarından istifadə qaydaları izah edilib, həmçinin mövzulara dair fotoslayd və videoçarxlar nümayiş etdirilib.
Kursların yüksək səviyyədə keçirilməsi üçün FHN-in digər qurumlarının yerli struktur bölmələrinin əməkdaşları da tədris prosesində iştirak ediblər.
Sonda kursları müvəffəqiyyətlə başa vuran dinləyicilərə şəhadətnamələr təqdim edilib.
