Fövqəladə Hallar Nazirliyinin Sumqayıt Regional Mərkəzi tərəfindən tədbir keçirilib. Bu barədə 15 oktyabr tarixində Sumqayıt24 xəbər verir.
Dövlət Yanğın Nəzarəti Xidmətinin mütəxəssislərinin də iştirak etdiyi maarifləndirici görüş “AZERCATHODE” MMC-də baş tutub. Məqsəd baş verə biləcək fövqəladə hadisələrlə bağlı zəruri davranış qaydalarını vətəndaşlara öyrətməkdir.
Tədbirdə ölkəmiz üçün xarakterik olan fövqəladə hallar, yanğınların başvermə səbəbləri və bu zaman zəruri davranış qaydaları barədə ətraflı məlumat verilib. İştirakçılara ilkin yanğınsöndürmə vasitələrindən istifadə qaydaları nümayiş etdirilib.
