Fövqəladə Hallar Nazirliyinin (FHN) Sumqayıt Regional Mərkəzi maarifləndirmə tədbiri keçirib. Bu haqda 8 aprel tarixində Sumqayıt24 FHN-ə istinadən xəbər verir.
1 nömrəli tam orta məktəbdə baş tutan seminarda FHN-in Dövlət Yanğın Nəzarəti Xidmətinin mütəxəssisləri iştirak ediblər.
Tədbirdə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib, FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbir zamanı suallar ətraflı cavablandırılıb.
