Saray qəsəbəsinin əsas yollarından biri bərbad vəziyyətdədir.
Söhbət şəhid Tərlan Məmmədovun adını daşıyan və həm Sumqayıt, həm də Saray qəsəbəsindən Bakıya gedən sakinlərin sıx istifadə etdiyi yoldan gedir.
Sakinlərin Sumqayit24.az-a müraciətinə görə, sonu Xırdalan-Novxanı yoluna çıxan küçənin bir hissəsində asfalt örtüyü demək olar ki, tamamilə dağılıb. Ərazidə çoxsaylı çala-çuxurlar yaranıb.
Yağışlı havalarda vəziyyət daha da çətinləşir. Yolda gölməçələr və palçıq yaranır, ərazi keçilməz olur.
Sakinlər aidiyyəti qurumlardan yolun vəziyyətinin nəzərə alınmasını və problemin aradan qaldırılmasını istəyirlər.
