Sumqayıtda “Karyera Marafonu 2022” layihəsi baş tutub. Bu barədə 21 sentyabr tarixində Gənclər İnkişaf və Karyera Mərkəzinə istinadən xəbər veririk.
“Kapital Bank” və Gənclərin İnkişaf və Karyera Mərkəzinin birgə əməkdaşlığı ilə təşkil olunan marafonda karyera sərgisi, işə qəbul mütəxəssisləri ilə məsləhətləşmə, açıq havada “Öz daxili potensialımızı necə kəşf edə bilərik?”, “Məsafədən satış”, “Kapital Bank tarixçəsi və karyera imkanları” seminarları təşkil edilib.
Gənclərin sualları mütəxəssislər tərəfindən cavablandırılıb. “Kapital Bank”da olan aktiv vakansiyalar üçün iştirakçıların CV-ləri qəbul olunub. Marafonda fəal iştirak edən gənclərə hədiyyələr təqdim olunub.
