Yol kənarında yerləşən bəzi gül kolları piyadaların keçidinə mane olurdu və sürücülər üçün görmə bucağını məhdudlaşdıraraq təhlükə yaradırdı.
Bu barədə Sumqayit24.az-a açıqlamasında Sumqayıt şəhər İcra Hakimiyyəti bildirib.
Bir müddət öncə şəhərin Nəriman Nərimanov küçəsindəki yol kənarında yerləşən ağacların kəsildiyi haqqında məlumat vermişdik. Dövlət qurumu həyata keçirilən işlərə aydınlıq gətirib:
“Qeyd olunan ərazidə aparılan işlər insanların təhlükəsiz hərəkətini təmin etmək məqsədi daşıyır. Bununla əlaqədar olaraq, aidiyyəti qurumlar tərəfindən müvafiq budama işləri həyata keçirilib. Bu tədbirlər sakinlərin təhlükəsizliyinin və rahatlığının təmin olunması məqsədilə görülüb”, - deyə açıqlamada qeyd olunub.
